Psalms 32
David phuah. Maskil ▼▼ 0Thulu: Lailam ahikeh tumtheihlam kamzat hi kha ding khat.
1 A tatkhialhnate kimaisak a,a mawhna a kikhuhsak mi
thupha ngah ahi hi.
2 TOPA in ama mawhna a khuksak loh mi,
a lungsim ah khemna a paii lo mi, b
thupha ngah ahi hi.
3 Sun thapai-a ka maumauna hangin c
ka daih dide ciangin, d
ka guhte a teemgawp hi.
4 Sun le zanin ka tungah
na khut gik ahi manin; e
khuakhal nisa bangin
ka hatna a hupkang hi. f
5 Tua ciangin ka mawhna nang kong theisak a,
ka khialhna ka im kei hi. g
“Kei tatkhialhnate TOPA tungah h
kong pulak ding hi,” ka ci-a - i
tuateh nang ka khialhna hanga
mawhsakna nong maisak hi. j
6 Tua ahi manin a pasian-mi peuhmah in muh theih a na om sungin nang tungah
thu hong ngen ta uh hen;
tua hileh tuihat a khan ciangin k
amaute a bankha peuhmah kei ding hi.
7 Ka bukna mun nang na hi hi;
lungkhamna pan hong dal inla l
hutkhiatna late in nong umcih ding hi. m
8 Na pai nading lampi hong lak-in kong hilh ding hi; n
thu hong hilhin kong cing ding hi. o
9 Theihtelna a nei lo sakol peuh
laa peuh tawh kibang kei in,
tua bangte satna le kamkaih tawh uk kul ding hi; p
tua hi kei leh nang kiangah hong pai kei ding uh hi.
10 Migilote’ gimna tampi hi-a, q
TOPA a muang mite ahileh
ama itna kip in a umcih hi. r
11 No a thumaante lungnuamin TOPA sungah kipak un;
no lungsima thutangte khempeuh aw, la sa un!
Copyright information for
ZomZIV